Marekani yasitisha usaidizi wa kivita kwa Ukraine ili kuishikiza kusitisha vita na Urusi

Marekani yasitisha msaada wa kijeshi kwa Ukraine, hili ni kulingana na  afisa wa Ikulu ya White House ambaye athibitisha hilo.

"Tunasimamisha  na kukagua misaada yetu ili kuhakikisha kuwa inachangia suluhisho," afisa huyo anasema.

Hatua hiyo inakuja saa chache baada ya Trump kumkosoa rais wa Ukraine Volodymyr Zelensky kwa kusema mwisho wa vita na Urusi uko mbali sana.

Uamuzi huo wa White House unazuia mara moja vifaa vya Marekani vinavyosubiri kuvuka, katika hali ambayo inaweza kuwa mbaya kwa kuzima bomba.

Mara ya mwisho hili kutokea, kwa sababu ya kutokubaliana kisiasa katika bunge la Marekani, Rais Zelensky alisema Ukraine ilipoteza maisha na ardhi moja kwa moja kama matokeo.

Kuna maswali ambayo hayajajibiwa juu ya iwapo Ukraine bado itapokea silaha za Marekani ambazo tayari zimewasilishwa, au iwapo Washington itaendelea kushirikiana na Kyiv.

"Rais Trump anawanyonga raia wa Ukraine ili kukauka na kuipa Urusi mwanga ili kuendelea kuandamana magharibi," linasema kundi moja la utetezi wa Ukraine.

Rais Trump na Zelensky wote wanataka amani. ila mmoja anataka haraka na mwingine kwa uhakika wa kijeshi.

Vikosi vya Urusi vimepanua polepole idadi ya maeneo wanayodhibiti katika kipindi cha mwaka mmoja uliopita, hasa mashariki mwa Ukraine, lakini vikosi vya Ukraine vimefanya hatua hizo kuwa polepole na ngumu iwezekanavyo na zimefanya mashambulizi ya kukabiliana na uvamizi katika eneo la Urusi.

Washirika muhimu katika vita vya Ukraine bado hawajajibu tangazo la Ikulu ya White House usiku wa kuamkia leo kwamba Marekani inasitisha msaada wa kijeshi kwa Ukraine.

Donald Trump mwenyewe hajatoa tamko lolote kuhusu habari hizo vile vile Rais wa Ukraine Volodymyr Zelensky bado hajatoa tamko lolote kuhusu suala hilo, wala Urusi.